خطوات الشراء من سوق السيارات بالحى العاشر
سوق السيارات بمصر
 |
| سوق السيارات بالحي العاشر |
قبل ما تروح سوق السيارات لازم تاخد معاك حاجات كتير تعمل حسابك في شمسيتك الجميلة والمياة بتاعتك وكرسي عشان هيبقى يوم شاق وتعب وطبعا لو معاك ( طعام ) يبقى زى الفل وخلى بالك من فلوسك لو هتشترى ومتروحش بمبلغ كبير تاخد معاك مبلغ 20 الف مثلا وتنزل
من المتواجدين فى السوق بنسبة 70% تجار و 30% ناس رايحة تبيع عربيتها ودول قليلين وانت وحظك لو قابلتهم وهتشترى منهم او تبعلهم والتجار كتير اوى وهتسمع وتشوف ردود فعل وانت بتكلم وتفاصل كان العربية ابنة بالظبط وخد بالك منهم كويس اوى
وانت داخل السوق هتتفرج على سيارات من كل الاشكال والتصنيفات ومن كل مدن ومحافظات مصر وانت لازم تكون مركز نازل على انهى ماركة وموديل كام وعارف امكانياتك المادية
 |
| سوق السيارات |
وعارف انهى موديلات سيارت فى حدود هذة الامكانيات وعارف فرق الموديل بتختلف فى السعر اد اة وكل حاجة عشان هدوخ وتتعبب جامد ولو متردد قرر الاول وبعدين تنزل
وقبل اى حاجة اقرا المنشور دا كويس اوى عشان هيفيدك فى كل الى هتسمعة عشان هتسمع وتشوف بعدين حالات سيارات كتير جدا
وبعدين نزلت واتفرجت كويس لفيت السوق كلو على الى انت نازل تدور علية ولقيت العربية الى عجبتك ( ربنا يوفقك ) تتفق الاول مع البايع على كل حاجة واهمها
الخطواط دى لو هتشترى اى عربية مستعملة ****
1/ الفحص الفنى للسيارة والشاسية و سقف السيارة ....
2/رفع السيارة فى التوكيل او بنزينة مضمونة والكشف عليها كاملة ( بارومة - خبطة - عوجة فى الشاسية - الحالة من الاسفل - لحامات ) وتفتح الكبوت وتشوف الشاسية والبطاحات والصدر الامامى والخلفى وتفتح الشنطة وتراجها كويس
3/ فحص الصالون بدقة ومراجعة جميع الوظايف ( الزاير والانوار تعمل بكفاءة ام لا ) والتابلوة والابواب ن من الداخل والفرش
4/الاتفاق مع البائع لو هتكشف فى التوكيل لو طلع اي عيب فى السيارة غير المشار اليها من البائع يدفع ثمن الكشف فى التوكيل او مناصفة بين البائع والشارى
5/ مراجعة المخلافات ومراجعة شهادة البيانات الصادرة من مرور السيارة
6/ متدفعش فلوس العربية تدفع عربون وتروح تسجل فى الشهر العقارى (وتاخد بالك لو فى اى توكيلات ) وياريت لو باسمة علطول
7/تبعد عن اي عربية ليها رخصة منتهية او تالفة
8/ وبعدين بعد ما تسجل وتاخد العربية تاكد على مفتاح السيارة الاصلى وبالاستبن ولو عامل مفتاح جديد كلة راجع علية كتالوجات السيارة و العدة الاستبن والكوريك والاسعافات والحاجات الى هتشتريها تانى من المرور
كل دا ويريت لو حد معاك يساعدك من اول اليوم ويوم التسجيل فى الشهر العقارى وربنا يوفق الجميع وتاخد بالك من حالة الركود الموجودة حاليا فى السوق المصرى وتراعى السعر العادل فى البيع والشراء
تابعونا
